تلون السطح السفلي لأوراق البطاطس

تلون السطح السفلي لأوراق البطاطس

الفترة دي .. وتحت ظروف الحرارة الباردة .. بيظهر علي اوراق البطاطس .. للاصناف المبكرة ونصف المتأخرة .. زي الاسبونتا ..

 

تلون السطح السفلي لأوراق البطاطس ..و يسمي "لفحة الشمس" sunscald " .. وهو تلون سطح الورقة السفلي باللون البني الفاتح في هيئة بقع متصلة وغالبا تكون في نصف الورقة فقط وفي الأوراق الوسطي ...

وسبب لفحة الشمس هو زيادة النمو الخضري وهياج العرش نتيجة زيادة جرعات التسميد الآزوتي وخاصة اليوريا وزيادة خصوبة التربة أو زيادة المحتوى من السماد العضوي وخاصة سماد الكتكوت أو زيادة تركيز عنصر الفسفور في التربة نتيجة إضافة كمية كبيرة من سماد السوبر فوسفات .. أو زيادة مبالغة في إضافة الهيومك... كله ده او جزء منه ليجعل الأوراق غضة جدا ورقيقة وبمجرد تعرضها للشمس الدافئة أو احيانا الحارة بالتبادل مع بردوة الجو ليلاً .. زي اللي حصل من كام يوم كده .. يظهر عليها هذه الأعراض ...

 

علاج أعراض لفحة الشمس أو منع انتشارها يكون عن طريق زيادة سمك أنسجة الورقة عن طريق الاعتدال في التسميد الأزوتي او بالمغذيات سريعة المفعول زي الهيومك والطحالب وغيرها وزيادة جرعات البوتاسيوم والكالسيوم ..

 

وللزراعات اللى تعدت عمر 80-85 يوم يمكن التعفير بالكبريت الزراعي بمعدل 25 ك للفدان فى الصباح الباكر

 

دكتور محمد علي فهيم

16 ديسمبر 2019