الأمطار اللى نزلت اول امبارح وامبارح وشوية بكرة الخميس ... كانت غزيرة على بعض المناطق الزراعية لدرجة انها بمعدل حوالى من 1.5 الى 2 رية ... يعني الميه لسه واقفة فى الارض ...
ودي مشكلة للزراعات القائمة خاصة المحاصيل الحساسة لزيادة المياه - زي البطاطس - الفراولة - الفاصوليا - البسلة - الفول - الخرشوف ...الخ ..
واللى هيحصل هو التالي:
** زيادة كمية المياه الارضية حول الجذور واستمرارها وقت من الزمن يؤدي الى اختناق الجذور وضعفها وتوقف الامتصاص تماماً .. وطبعا ده تأثيره بيبان بسرعة بمجرد ما الشمس ما تطلع فى ذبول مؤقت واصفرار تدريجي فى المجموع الخضري ...
** ضعف الجذور واختناقه يؤدي الى قابليته للاصابة بفطريات التربة اللى بتعمل اما ذبول او اعفان جذور ... والحاجة الايجابية الوحيدة انها بتقلل من تكاثر النيماتودا فى الارضاي المصابة بها ...
** زيادة الرطوبة حول النباتات سواء الأرضية او الجوية يؤدي بالطبع لانتشار الامراض الفطرية والبكتيرية المحبة للرطوبة الحرة (البياض الزغبي وتبقعات الاوراق واعفان ساق وثما (ان وجدت- زي الفاصوليا والعفن الابيض) ...
** المناطق اللى نزل عليها كرات ثلج وادت الى تجريح وتكسير النباتات هتكون عرضة للاصابة بالفطريات "الجرحية" يعني اختيارية التطفل اللى بتصيب النباتات فقط فى حالة وجود جروخ ورطوبة عالية (الندوة المبكرة على البطاطس - البوترايتس على الفراولة ولبصل - التبقع السركسبوري على اللفت والبنجر (المبكر) ... الخ.
** المحاصيل اللى لسه مزروعة زي البطاطس - البسلة - الفول ..الخ غمرها بالمياه بعد الزراعة قد يؤدي الى ضعف أو تأخير الانبات ...
وعليه: على الجمعة أو السبت القادمين (24-25 أكتوبر 2019) بحد أقصي يتم اجراء ما يلي:
** أولاً: لو المياه الراكدة كتير فى الخطوط يجب سحبها فوراً ومينفعش تتساب اكثر من 4-5 ساعات حول النباتات ...
** ثانياً: بمجرد جفاف التربة وهو خلال من 2-4 أيام يتم الرش بعالى الفسفور (الماب) بمعدل 1.5-2 كجم للفدان + 1 كجم فولفيك اسيد + 15-20 سيتوكينين 4% / للفدان.. وتكرر بعد من 3-5 أيام ...
** تقريب الرية التالية وتكون رية خفيفة ويتم اضافة حامض الفسفوريك بمعدل من 3-4 لتر للفدان تنقيط ومن 8-10 لتر للري بالغمر ...
** الرش بالمبيدات الفطرية الوقائية او العلاجية ضد مجموعة الفطريات المذكورة عالية (المواد الفعالة: اكسي كلورو النحاس - ميتالكسيل - مفينوكسام - ازوكسي ستروبين - فوستيل الومنيوم ....الخ) وتكرر بعد 5-7 أيام ...
** الزراعات التى تجاوزت نصف عمرها يتم رش كالسيوم مخلبي ويفضل أن يكون على أحماض كربوكسيلية وأن يكون مصدر الكالسيوم أوكسيد كالسيوم وليس نترات كالسيوم، بالإضافة إلى دفعه سلفات بوتاسيوم ١٠ كيلو للفدان حقنًا (بطاطس - فاصوليا ) ...
برجاء المتابعة المستمرة معي أول بأول ..
دكتور محمد علي فهيم
23 أكتوبر 2019
46
