#ازرع_ايه_في_العروة_الصيفية_2018:
بصراحة الفلاح لاول مرة يقف مرتبك حيران مش عارف يزرع ايه في العروة الصيفية لانه خايف السنة تكمل مرار وصدمات بسبب الخسارة الكبيرة لمعظم حاصلات الشتوى والصيفي المبكر .. للاسباب:
- نقص الانتاجية لظروف التقلبات المناخية وانتشار الامراض
- وانخفاض السعر بسبب ضعف القوة الشرائية للمستهلكين
-وقلة التصدير وخلافة ..
المهم ركزو معاي .. صيف 2018 متوقع للاسف الشديد أن يكون من اسخن شهور الصيف في الـ 140 عام الماضية ..معلش نصيبنا كده.. بالتالي نخلي بالنا أن المحاصيل اللي ممكن تنزرع في المتبقي من مواعيد زراعة الصيفي الصيفي المتأخر وميحصلش مشاكل بسبب الجو شديد الحرارة المتوقع وممكن تجيب عائد مناسب
1- الذرة الصفراء علي أن لا يتعدي ميعاد الزراعة 10-15 مايو فى قبلي و20-25 مايو في بحري حتي لا يحدث مشكلة التلقيح والاخصاب في الأجواء الحارة ...
2- فول الصويا في قبلي بالتحديد وده كان لازم يكون تم الانتهاء من الزراعة في قبلي ويمكن الزراعة في محافظات جنوب الدلتا حتي نص مايو ولا ينصح بزراعته في باقي الدلتا وخصوصاً الشمال...
3- اللوبيا (العروة الصيفية) محملة على الذرة (2 خط ذرة و3 او 4 لوبيا) ودي يفضل زراعتها فى مناطق قبلي ويمكن زراعتها قى جنوب ووسط الدلتا (عدا المناطق الغدقة او الملحية) فى مواعيد زراعة (حتى 25 مايو).
4- الفول السوداني ويحتاج اراضي خفيفة نوعا ما وخاصة اراضي قرب الظهير الصحراوي وفى اطراف اراضي الدلتا وده تقريبا تم الانتهاء من زراعته او يتبقي اسبوع على الاكثر.
5- السمسم فى اراضي قبلي بالتحديد ولا ينصح بزراعته فى الاراضي الغدقة او عديمة الصرف المغطى.
6- عباد الشمس فى الاراضي الجديدة واراضي مصر الوسطى وجنوب ووسط الدلتا فى اطراف اراضي الدلتا (القريبة من الظهير الصحراوي)
7- الخضر الصيفية زي الخيار (اراضي مصر الوسطى وجنوب الدلتا)
8- الفلفل الشطة الطويل ((اراضي مصر الوسطى وجنوب الدلتا)
141
