 1.png)
الكرام مزارعي ومهندسي الفراولة ... منشور استباقي ...
أرى
مبالغة كبير جداً في تكاليف زراعة الفراولة في ظل مناخ معاند مش في صفها تماما (
افتكروا الكلام ده كويس بعدين ) ...
بالتفاصيل
...
الأخوة
المحترمين مزارعي الفراولة ... خلينا نكون واقعيين وببساطة ، اولاً أنا عارف ان
الناس واضعه في الإعتبار اللى حصل الموسم اللى فات وأن هامش الربح كان مرتفع وكانت
دي ظروف الموسم اللى فات ...
بس
هنا انا هتكلم في نقطتين ، الأولى أن التكلفة لزراعة ١ فدان ستكون تقريباً ضعف
الموسم الماضي وبتكلفة فلكية (١٠٠ ألف إيجار + ١٣٠ ألف شتلات + تكاليف التأسيس
والبلاستيك الملش وشبكات الري والعمالة والأسمدة و المغذيات والمبيدات ... الخ )
...
وده
هيزود تكلفة إنتاج كيلو الفراولة إلى ما يعادل ضعف تكلفة الموسم الماضي ..
وكذلك
المساحة ممكن تزيد تقريبا من ٤٠ إلى ٦٠٪ عن مساحة الموسم الماضي وده هيزود المعروض
ويمكن يكون فوق استيعاب السوق سواء المحلي أو حتى الخارجي ...
النقطة
التانية وهي الأهم والمتعلقة بتغير المناخ واللى متوقع أن يكون في غير صالح
الفراولة كنبات ومحصول ... والبداية من دلوقتي لأن موجات الحر المتلاحقة أثرت كتير
على المشاتل وجعلت النمو ضعيف والشتلات المنتجة ضعيفة فسيولوجياً ... ومتوقع أن
يكون الصيف ممتد ، يعني اللى هيزرع بدري هيتأذي ...
وللاسف
متوقع خريف ممطر متقلب وشتاء متقلص لكنه بارد جداً قد يتخلله موجات صقيع ( ومزارعي
الفروالة عارفين يعني ايه صقيع ) ... واحيانا ممطر .. ومتوقع أيضا صيف مبكر
خماسيني .. ودي كلها أجواء مش على هوا الفراولة خالص سواء تأثيرات مباشرة على
النمو والإنتاجية أو غير مباشر من خلال زيادة ضراوة الإصابة بالافات والأمراض
وأهمها دودة الجعال والملاديرا والتربس .. وأمراض التربة والعفن الرمادي والتبقعات
واللفحات والبياض وغيرها ...
دكتور
محمد علي فهيم
4 أغسطس 2024
28 أبيب 1740
338
