 1.png)
صباح الخيرات على كل الاحباب ... مزارعين البدري ... مزارعين الصهد انهاردة 20 من شهر أغسطس 13 من شهر مسرى .... يعني الوقت دخل علينا ... مش كده
وكل
اهالينا مزارعين محاصيل العروة الجديدة ( النيلي البدري ) مجهزين الأرض ومنتظرين
إشارة البدء في زراعة المحاصيل دي
بطاطس
، بنجر ، مشاتل بصل قبلي ، ثوم ، خرشوف ، فاصوليا ، بسلة ، فراولة ...
لكن
...
وعلى
غير الطبيعي ما زال منخفض الهند الموسمي شديد الحرارة ممتد ومتعمق في معظم المناطق
يضاف إليه منخفض السودان في جنوب الصعيد ... والأجواء ما زالت شديدة الحرارة
وبزيادة عن السنة اللى فاتت في نفس الوقت بحوالي من 4 -5 درجات ..
...
ده
كله معناه حاجة واحدة ...
ان
الزراعة في الأجواء دي مش مضمونة خالص والكل عارف ان تكاليف التقاوي في كل
المحاصيل دي تقريباً تضاعفت – يعني أبو قرش بقى بقرشين وتلاتة ...
خلينا
مع بعض نقول المواعيد الآمنة نوعاً ما للزراعة للمحاصيل دي ... مع الأخذ في
الاعتبار هيكون لينا مع بعض كلام هام واشتراطات صارمة للزراعة ... وما بعد الزراعة
وحتى انكسار حدة الصهد تماماً واللى متوقع تأخر شوية الصيف ده ... للأسف ..
***
البطاطس النيلي:
مش
قبل 1 تسعة ( سبتمبر ) في المنيا و و10 تسعة في محافظات البدري بحري ...
***
البنجر العروة الأولي:
مش
قبل 30 تمانية ( أغسطس ) في المنيا و 10 تسعة في محافظات بحري ...
***
مشاتل البصل قبلي :
مش
قبل 1 تسعة ( سبتمبر ) في سوهاج وقنا واسيوط ...
***
الفاصوليا والبسلة البدري :
مش
قبل 15 تسعة ( سبتمبر ) في قبلي و 10 تسعة في بحري ...
***
الفراولة والخرشوف:
مش
قبل 10 إلى 15 سبتمبر بأى حال من الأحوال ...
دكتور
محمد علي فهيم
رئيس مركز معلومات تغير المناخ
212
