 1.png)
البطاطس_الجديدة ... الموسم الجيد يبدأ من الأول ...
مزارعين
البطاطس المحترمين ، طبعاً في ظل الوضع الراهن من تقاوي غالية ومستلزمات زراعة
غالية وعمالة مكلفة ..وكمان مزارعين البدري عارفين انهم بيزرعو في وسط المخاطر ...
خاصة ان الجو لسه عالي الحرارة ( اكتر من السنة اللى فاتت بـ 2 -3 درجات ... )
...
ومزارعين
البدري طمعانين في محصول بدري عشان السعر هيكون عالى عشان يتناسب مع التكلفة
العالية والإنتاجية المتواضعة للعروة دي ...
عشان
كده لازم نحط عنينا وسط راسنا ونركز مع بعض قوي ..
لازم
الموسم يبدأ صح الصح من الأول إن شاء الله ...
عشان
كده نركز في اللى جاي :
للحصول علي زرع قوي سليم وعرش يكمل
معاك الموسم فلازم تكون البداية:
**
نسبة انبات عالية..
**
معدل وسرعة انبات قوية ..
**
انبات اكبر عدد من العيون..
**
تجانس كبير في النمو ...
**
شبكة جذور بتبني عليها ..
كل ده
ليه؟؟
عشان
ميحصلش هياج النمو الخضري على حساب تكوين مجموع جذري قوي -- واضطراب حركة
الهرمونات الداخلية وزيادة معدل تنفس "الظلام" ... والكلام الكتير اللى
قلناه وبنقوله دائماً......(انا اتكلم فقط غى "الاجواء الحارة" بالتحديد
حيث ان المحاصيل الارضية بالتحديد تتطلب توازنا "شديداً" بين معدلات نمو
الجذور ومجموعها الخضري في بداية موسم النمو...)..
عشان
كده:
** لازم السنة دي نطهر التقاوي ( بأى
مطهر فطري متاح)
**
ممنوع استخدام اليوريا كمصدر ازوت.. خاصة في المنوبات الأولى
**
ممنوع زيادة كمية مياه الري عن اللزوم..
**
ممنوع الزراعة السطحية "العايمة"..
**
معدل تخطيط مناسب (من 9 - 10 خط/قصبتين)..
**
إضافة أسمدة التجهيز (سماد عضوي + 400 ك سوبر فوسفات + 100ك لكل من سلفات النشادر
والكبريت الزراعي + 25 ك سلفات ماغنسيوم)..
**مكافحة
الحشائش بدري بدري وقبل انبات البطاطس ..
*"*
الري علي الحامي فقط لا غير ..
بالنسبة
للى زرع بطاطس بدري عن المواعيد اللى نبهنا عليها ... للأسف فيه نسبة مش قليلة من
عفن التقاوي بسبب الأجواء الحارة والصهد ... طبعاً لازم ترقع الجور اللى غابت وتحط
مع الري كاربندازيم وتوبسين في برميل على وش الميه ... ضروري جداً
..
ان شاء الله موسم خير وبركة ورزق لكل المجتهدين – مزارعين البطاطس – مزارعين الصهد ..
دكتور
محمد علي فهيم
4 من سبتمبر 2024
1 من
ربيع الأول 1446
29 من مسرى 1740
136
