 1.png)
20 تحذير زراعى
#القمح اللى لسه هتزرع: ما زالت بحذر ممنوع زراعة الأصناف الحساسة
للصدأ في الوجه البحري وشمال الصعيد ( جميزة 11 – سدس 12 – مصر 1 ... ومهم جداً
الجرعة التنشيطية من الازوت – استخدم يوريا او سلفات نشادر بمعدل 1.5 شيكارة
للفدان ..
#القمح_البدري:
نحذر من اى لخبطة لمبيدات الحشائش ( خلط مبالغ فيه مثلا) وممنوع استخدام مبيدات
الحشائش في العمر اكبر من 40 يوم ...
#الفول:
ممنوع استخدام مبيدات الحشائش في العمر اكبر من 30 يوم ... والاستعداد التام
لاصابات المن والتبقعات اللى هتزيد مع الرطوبة العالية.
#الفاصوليا_الشتوي
: نبعد عن أي مركب به نسبة أزوت (نيتروجين) الفترة دي ونهتم جدا بالبوتاسيوم ارضي
في صورة سلفات ... ونخلي بالنا جدا من الرية الاخيرة الا تزيد كمية المياه عشان
الرطوبة ما تزيدش ويحصل مشكلة اللفحة الهالية او العفن الابيض على القرون ...
#البنجر
عروة اغسطس: محدش يسرف في البوتاسيوم للبنجر للعمر اكبر من 130 يوم زيادة عن
اللزوم .. ويستعد لرش بورون 14 ٪ مرتين بينهم شهر .. عشان موضوع السكر الكاذب ..
وتستعد تماماً لظهور التبقع السركسبوري ...
#البطاطس_الشتوي:
محدش يضيف اي منظمات نمو البطاطس بعد 90 يوم عشان ميحصلشي تشقق للدرنات .. فقط
البوتاسيوم والكالسيوم...
#البطاطس_الصيفي: محدش يستعجل الزراعة قبل 25 نوفمبر وبعد كده محدش
يروي البطاطس مرتين ورا بعض بدون عزيق لاي سبب .. وممنوع استخدام اليوريا والدفعة
الأولي من التسميد يفضل أن تكون 3 سلفات نشادر مع 2 نترات نشادار بنظام خط وخط..
#الفراولة:
ممنوع الرش بالاحماض الامينية تماماً .. دي فترة تبقعات الأوراق والعفن الرمادي
وخاصة في الأجواء الباردة وزيادة الندي... مع الاهتمام قوي بعالي الفسفور وخاصة
البوتاسيوم فوسفيت ...
#البسلة:
محدش يرش اي نحاسيات دلوقتي أثناء التزهير والعقد ..
#البصل_المقور
او السبيعني: ممنوع إضافة اى شكل من اشكال النيتروجين وضرورة الرش بمركبات البورون
وأفضل ميعاد لاستخدام البورون رشاً علي الأوراق يكون قبل حصاد المحصول بحوالي 20
يوم على الأكثر ، ويمكن رشه بمعدل 1.5 سم لكل لتر مياه ويمكن خلطه مع مركب الكي تي
اي KTS بمعدل لتر للفدان
...
#البصل_الفتيل:
متستعجلوش الرش المكثف علي البصل .. استنو بعد إجراء الرية الأولي..
#الثوم:
متستعجلوش رش الكالسيوم بورون دلوقتي ... وخليك في البوتاسيوم فوسفيت والماغنسيوم
فوسفيت شوية ...
#الخرشوف:
اللي لازق وبيأخر الجمع قوي .. ما ترشوش اي احماض امينية أو منشطات .. فقط كالسيوم
فوسفيت وسترات بوتاسيوم ...
#الطماطم_المكشوفة
(عروة الصعيد) : الحذر كل الحذر من البياض الدقيقي والندوة المبكرة على الأوراق
والثمار .. ضروري التعامل بالكالسيوم فوسفيت بالتبادل مع سترات بوتاسيوم ...
#الطماطم_عروة_الإنفاق
اللى عرشها ممكن يلامس البلاستيك خلال اسبوعين .. توقف عن الازوت تماما وعليك
بتكثيف البوتاسيوم في صورة فوسفيت والكالسيوم بورون منخفض التركيز .. نفس الكلام
لكنتالوب الإنفاق ..
#بطيخ
الإنفاق البدري .. غروب المنيا ، اياك والنيماتودا وطهر الشتلات كويس ضد عفن
الجذور واعتني بالفولفيك ونترات الماغنسيوم مع الريات الاولى ..
#الكمون
والكزبرة ... عدم زيادة المياه خلال الرية الأولى مع الاعتناء باضافة المطهرات
الفطرية مع الري ضد اعفان الجذور زي الكاربندازيم مع التوبسين.
#البرسيم:
محدش يأخر الحشة الحالية واخلصو من الوش ده بدري عشان النبات يفوق بعد البرد مع
إضافة حامض فسفوريك مع الرية اللي جاية 10 لتر...
#مزارع_المواشي:
محدش يزود من التغذية علي برسيم اليومين دول عشان نقص الفسفور علي المواشي وظهور
البول المدمل...
#مزارع_الأمهات_السمكية:
محدش يغير المياه العميقة بتاعة الأحواض تحت البلاستيك ويكتفي بتغيير المياه
السطحية بس مع تكثيف حمامات المضادات الحيوية...
د.
محمد علي فهيم
6
هاتور 1741
15
نوفمبر 2024
13 جمادى الأول 1446
66
