نصائح وارشادات لمزارعي الفراولة نوفمبر 2024

نصائح وارشادات لمزارعي الفراولة نوفمبر 2024

#مزارعي_الفراولة_الكرام 

الكل متابع اللخبطة اللى في الجو من حيث ارتفاع واضح في حرارة النهار الخميس والجمعة والسبت ..

ثم انخفاض كبير بحوالي ٨ درجات لتكون حرارة الليل حول ١٢ إلى ١٣ درجة بداية من الاحد ويستمر حتى نهاية الأسبوع على الأقل ... 

مع توقع بعض الأمطار  وبداية ظهور الشبورة المائية الكثيفة 

وتوقع نشاط كبير للرياح الشمالية الباردة ..  

وده جو شتوي صريح في توقيت مبكر جدا ...

#طيب_تأثيره_ايه_على_الزرع ..

الفراولة في معظم المناطق دلوقتي بدأت تقسم جهدها للنمو الخضري والتزهير والعقد والتحكيم .. ودي فترة معقدة وحرجة جدا .. 

وبسبب اللخبطة دي هيبدأ يحصل مشاكل في امتصاص العناصر الأساسية زي الفسفور والكالسيوم .. كمان الأجواء مناسبة لبعض المشاكل المرضية ..  

#باختصار_شديد ... 

الزرع محتاج نتعامل معاه بطريقة مختلفة .. يعني :

@ لازم نضبط معدلات الري وتوقف موضوع التصويم أو التعطيش ...

@ ازود إضافة الفسفور قدر الإمكان ... سواء حامض فسفوريك أو ماب ( ٤ ك من اى منهما)  ..

  @ الرش بداية الأسبوع  بالبوتاسيوم فوسفيت بمعدل ٤ إلى ٥ سم للتر  ..

@ رشة وقائية ضد العفن الرمادي لان ده الجو المناسب له تماما ( ازوكسي ستروبين  ، دايفنكونازول ، تتراكونازول ..) ودي مواد فعالة فترة الامان (PHI) من ٢ إلى ٤ يوم ..

@ تسميد هامة بنترات الكالسيوم مع حامض النيتيريك ( ٤ ك من كل منهما ) .. 

موسم خير للجميع إن شاء الله..

استاذ دكتور محمد علي فهيم 

٢٢ نوفمبر ٢٠٢٤

المشاركه علي منصات التواصل الأجتماعي

عدد المشاهدات

92