الفترة دي .. وتحت ظروف الحرارة الباردة .. بيظهر علي اوراق البطاطس الصيفية وخاصة المبكرة ..زراعة أوائل ديسمبر ٢٠١٨ للاصناف المبكرة ونصف المتأخرة .. زي الاسبونتا .. أعراض متداخلة تشبه بعضها لكنها تختلف في التفاصيل ، العرض الاول وهو نقص الماغنسيوم ... العرض الثاني وهو يسمي "لفحة الشمس" sunscald " .. وهو تلون سطح الورقة السفلي باللون البني الفاتح في هيئة بقع متصلة وغالبا تكون في نصف الورقة فقط وفي الأوراق الوسطي (نقص الماغنسيوم في الأوراق السفلي والبقع صغيرة غير متصلة ولها مظهر لامع) .. وسبب لفحة الشمس هو زيادة النمو الخضري وهياج العرش نتيجة زيادة جرعات التسميد الآزوتي وخاصة اليوريا وزيادة خصوبة التربة أو زيادة المحتوى من السماد العضوي وخاصة سماد الكتكوت أو زيادة تركيز عنصر الفسفور في التربة نتيجة إضافة كمية كبيرة من سماد السوبر فوسفات .. أو زيادة مبالغة في إضافة الهيومك... كله ده او جزء منه ليجعل الأوراق غضة جدا ورقيقة وبمجرد تعرضها للشمس الدافئة أو احيانا الحارة .. زي اللي حصل من كام يوم كده .. يظهر عليها هذه الأعراض ... ولعلاج نقص الماغنسيوم يتم إضافة نترات الماغنسيوم أو سلفات الماغنسيوم بمعدل من ٨ الي ١٠ ك للفدان علي ٣ دفعات متتاليات مع مياه الري أو الرش بالماغنسيوم فوسفيت مرتين بمعدل ٢ لتر للفدان .. أما أعراض لفحة الشمس لعلاجها أو منع انتشارها يكون عن طريق زيادة سمك أنسجة الورقة عن طريق الاعتدال في التسميد بالمغذيات سريعة المفعول زي الهيومك والطحالب وغيرها وزيادة جرعات البوتاسيوم والكالسيوم ..
129
