يسمى الشهر #فبراير في مصر والسودان والمغرب وبعض بلدان الخليج ويسمى #شباط في بلاد الشام والعراق ويسمى #فيفري في تونس والجزائر.
ويستمر 29 يوماً يبدأ اليوم ( الخميس ) الموافق 23 طوبة 1740 ويوم 8 منه بيبدأ شهر أمشير اللي بيكون آخر فرصة للتزهير ( القمح والفول والبسلة ) وبيحصل فيه حاجات كتير ...
** وفبراير السنة دي مضيعش الفرصة وبدأ بالسلف للعشرة من طوبة شديدة البرودة ومطر وتليجة ... بعدها عشرة دافئة .. ثم عشرة برد تاني والتغيير في الحرارة ده له كلام كتير لانه بيؤثر على حاجات كتير في الزرع ...
** وشهر فبراير أهم شهر لمحاصيل الحبوب قمح وفول وبسلة (امتلاء السنابل والقرون ) وللمحاصيل الأرضية ( تحجيم وصب الدرنات والابصال ( بطاطس – بنجر – بصل – ثوم ) ولأشجار الفاكهة ( بداية موسم النمو وتفتح البراعم الزهرية والخضرية لمعظم الفاكهة) وهو شهر ازدهار سوق الآفات والامراض ايضاً ...
** واهم نصيحة هو محدش يستعجل زراعة العروة الصيفي المبكر ( فاصوليا صيفي - طماطم – فلفل – باذنجان ... الخ) او شتل الفاكهة او التطعيم إلا لما يعدي العشرة السلف من طوبة ...
النصيحة التانية وهو حماية التخريج والتزهير المبكر للفاكهة من البرد الشديد بمداومة الرش بالكبريت بالتبادل مع البوتاسيوم فوسفيت ...
اللهم اجعله شهر بساطة وخير ورزق وفير ... وتفريج للكرب والضيق ...
و كترو من الشير عشان يوصل لناس كتير ...
د. محمد علي فهيم
1 فبراير 2024
23 طوبة 1740
178
