الحرارة تودع نقحة الشمس وتقترب من ال ٣٠ ° م بداية من الثلاثاء على معظم الجمهورية ..
واحنا في الاسبوع الأول من شهر بابه ...
وأنا
بقول ...
خلينا
نركز مع بعض قوي لان بابه هو ميزان وأساس الموسم للناس الفهّامة ....
#طب_بالنسبة_لزراعات_الموسم:
**
تحول بعض المحاصيل إلى التزهير على حساب النمو الخضري *(الفاصوليا – الطماطم –
الباذنجان – الفراولة البدرية....الخ)...
**
بداية ازعاج *الامراض الفطرية والبكتيرية المحبة للرطوبة الحرة (التبقعات والندوات
على محاصيل الخضر النيلية بالتحديد)..
* *
فى نهاية شهر بابه يبدأ التجهيز لزراعة القمح والفول والبرسيم واليانسون والكراوية
والشمر والكمون (الاسبوع الاول من نوفمبر) وينصح بالالتزام بمواعيد الزراعة
الديناميكية وبعدم التأخير أو التبكير هذا الموسم (بعدين نشرح الموضوع).
** فى
منتصف الشهر هتبدأ *البطاطس البدرية (النيلية / الشتوية) والبصل المقور البدري
وبنجر اغسطس فى التحجيم الطبيعي بسبب انخفاض الحرارة ليلاً وممكن اساعد بإضافة
البوتاسيوم ( 0-0-50) مع الري بمعدل 10-15 كجم للغمر و 5-6 كجم للتنقيط. وممكن ارش
نترات او سترات بوتاسيوم برده (1.5 كجم / فدان). ونفس الأمر للفاصوليا البيضا
(الجافة) وغيرها ...
**
اما الثوم والبصل المبكر (السبعيني والمقور) فده شهر النمو الخضري وبناء هيكل
النبات ولازم نهتم جداً بالتغذية المتوازنة ونركز شوية على الفولفيك والاحماض
الامينية وباقي محفزات النمو عشان لخبطة الجو مش هتخلي الزرع يعمل جسم كويس. ..
**
اما الموالح ( البرتقال) فده شهر مهم جداً للتحجيم والتلوين الطبيعي ... واللي
للأسف متوقع ان يتأخر التحجيم والتلوين بسبب التذبذبات الحرارية وزيادة فرق درجات
الحرارة بين الليل والنهار وبين الأيام وده محتاج تدخلات هامة ونوعية ...
**
كمان ده شهر مهم برده جداً *للقصب ( الغرس او الخلفة ) لان اخر شهر للدفيء وبعدها
بينزل البرد خاصة بالليل – عشان كده لازم ندعم القصب يعمل مجموع خضري محترم قبل
دخول البرد ( وده بيحتاج نكثف شوية محفزات النمو – الطحالب والاحماض الامينية
وغيرها ) ...
دكتور
محمد علي فهيم
14 أكتوبر 2024
4
بابه 1741
11
ربيع ثان 1446
174
