يجب مراجعة تصدير الكميات الضخمة من البطاطس المصرية "الرخيصة" للدول العربية .. ويقتصر التصدير للسوق الأعلي سعراً (الاتحاد الأوربي) ... حتى يتم استقرار سوق تداول واستهلاك البطاطس المحلية ...
تصدير البطاطس بكميات "ضخمة" للدول العربية ادت الى تجفيف السوق المحلي بالاضافة الى انها قتلت المنتج المحلي لبطاطس تونس وليبيا وخربت بيوت المزارعين هناك ...
فلأول مرة فى تاريخ مصر يتم تصدير ما يقارب مليون طن فى عام واحد ... في الوقت الذي عاني سوق الاستهلاك المصري ولأول مرة ايضا من ضعف شديد في المعروض ...
وزي ما ذكرت في المنشور السابق ... بتاع خريطة الطريق للبطاطس 2019 ... قلت فيه ان تكاليف انتاج الكيلو 3- 4 جنيه وان الاتحاد الاوربي هيستوعب كميات كبيرة الموسم ده ... يبقي احافظ على معروض معقول فى البلد بحيث يحافظ على سعر مناسب للمزارع وسعر مناسب للمستهلك ... ويقلل جدا الهوامش التسويقية اللى بتروح فى الاسواق والسلاسل الوسيطة.
وللمرة الثانية أؤكد ان الكلام ليس معناه ان نوقف التصدير "تماما" لكن تنظيمه وضبطه ...
لانه لو توقف التصدير سوف يحدث زيادة كبرة فى المعروض "اكرر كتير" وادى الى خسائر "فادحة" للمزارعين والمنتجين ... بالموضوع يحتاج تنظيم وضبط بحكمة وبمعلومات دقيقة ...
بقول ان التصدير ممكن ان يقتصر على الاسواق الاعلى سعرا زي الاتحاد الاوربي وده هيستوعب الموسم ده ما يقارب من 800 الف طن لوحده ... يعني بلاش نصدر للاسواق الرخيصة ... عشان ميحصلش ازمات فى المعروض المحلي
البطاطس المصريه اليوم في كارفور مسقط - سلطنة عمان ب ١٧٠ بيسه اي ما يقرب من ٧ جنيهات مدفوع لها شحن وثلاجات و ضرايب وجمارك وربح ..يبقي اخدها المصدر من المحطة ومن المزارع بكام ؟؟
96
