كلما كان اللون اقرب الاصفر و للأحمر كانت السرعات عالية الي عالية جدا ...
زيادة سريعة في هبوب الرياح من ال ١١ صباحا وتستمر الزيادة في سرعة الرياح لتصل إلي ما بين ٦٠ الي ٨٠ كم ساعة .. واتجاهها شمالية الي شمالية غربية ... يعني ايه؟
* سرعات عالية من الرياح من اتجاه الشمال والشمال الغربي يعني كلها من البحر مرورا بالصحراء.. يعني محملة بالرمال والأتربة وهي رطبة ايضا ... وتؤدي الي انخفاض سريع في الحرارة وزيادة في الرطوبة لكنها ما زالت بين ٥٠ الي ٦٠٪
* المناطق المعرضة بشدة زي ما هو واضح في الخريطة هي مناطق الساحل الشمالي الغربي وادي النطرون والنوبارية وكل مناطق شمال ووسط الدلتا بالإضافة إلي باقي الدلتا حتي القاهرة وتتعدي سرعتها ٩٠ كم ساعة فيديو الدقهلية والشرقية جنوب المنزلة وكذلك شرق الدلتا وخصوصا بور سعيد والإسماعيلية والسويس... وتكون اعلي ما يمكن فوق ١٠٠ كم ساعة غرب خليج السويس.
* الصوب والانفاق البلاستيكية اللي اتجاهها جنوبي شمالي ستكون أقل تأثرا من اتجاه شرقي غربي ويراعي ذلك صباحا في احكام الشدادات وجوانب الصوب والانفاق .
* السرعة العالية من الرياح المحملة بالأتربة والرمال هتزود قيمة البحر نتح جدا .. بالتالي يراعي أن تكون جميع الزراعات مروية قدر الإمكان.
* المحاصيل زي البطاطس الشتوية والبصل والفول والخرشوف والباذنجان والطماطم والبسلة هيحدث تجريح في الأوراق والسيقان وده هيكون مناسب لمهاجمة فطريات اختيارية التطفل زي اللطعة الأرجوانية والندوة المبكرة والبياض الزغبي وغيرها ... ولازم يكون فيه رشة وقائية بمركبات النحاس علي يوم الجمعة والسبت وده هام جدا علي الزراعات دي.
* بالنسبة الزراعات المتضررة بموجة الصقيع بتاعة ٩ و ١٠ يناير يكتفي بإجراء رية سريعة صباحا قبل هبوب الرياح..
ارجوكم المتابعة معاي اول بأول الفترة دي ...
دكتور محمد علي فهيم
١٥ يناير ٢٠١٩
97
