تعرف على الارشادات الزراعية المصاحبة للاحوال الجوية الزراعية

الرئيسية < المكتبه الرقميه < تعرف على الارشادات الزراعية المصاحبة للاحوال الجوية الزراعية

تعرف على الارشادات الزراعية المصاحبة للاحوال الجوية الزراعية


اولا :الاحتياجات المائية لأهم المحاصيل           (م3 / يوم / فدان)


كمية مياه الري المطلوبة لمحصول البطاطس المزروعة في أول ديسمبر تتراوح ما بين 13.2-13.9 م3/للفدان/فى اليوم ري بالغمر (يعني الري كل 15-16 يوماً) ويتطلب من 12.8-13.0 م3 للتنقيط فى الدلتا يزيد عن ذلك من 1-2 م3/يوم، فى باقي الجمهورية، وبالنسبة لمحصول الفاصوليا سوف يقل عن البطاطس بحوالى 2-3 م3/يوم تحت نفس الظروف والعمر.

أما الطماطم والفلفل المزروعان من اول نوفمبر الى نصف نوفمبر فيكون الاحتياجات من الري فى الدلتا ما بين 16.5-17.5 م3/للفدان/فى اليوم فى حالة الغمر (يعني إجراء رية كل 17-19 يوم) وما بين 14.9-15.9 م3 فى حالة الري بالتنقيط، وهتزيد عن كده بحوالى من 2.5-3.0م3 فى الاراضي الجديدة.

أما الكنتالوب والبطيخ المنزرعة من اول الى منتصف يناير فيكون الاحتياجات من الري فى الدلتا ما بين 14.1-15.9 م3/للفدان/فى اليوم فى حالة الغمر (يعني إجراء رية كل 14-17 يوم) وما بين 13.8-14.5 م3 فى حالة الري بالتنقيط، وهتزيد عن كده بحوالى من 2.5-3.0م3 فى الاراضي الجديدة.

بالنسبة للمانجو فيحتاجوا الى 15.2-17.8 م3/يوم فى الري بالغمر و 13.2-17.8 فى الري بالتنقيط م3/اليوم، أما الموز فالاحتياج هنا بالري بالتنقيط وهيكون ما بين الــ 27-34 م3/للفدان/فى اليوم فى معظم المناطق وفى الصعيد تكون من 35-36 م3/للفدان/اليوم..


ثانيا: التقلبات المناخية غير المواتية :


احنا دخلنا فعليا دخلنا فى مرحلة مناخية مميزة ببعض الظروف واهمها:

** زيادة الفرق بين درجات الحرارة بالنهار عن الليل او الفرق بين درجة حرارة الأيام ... 

** زيادة حدة التقلبات المفاجئة في المناخ وخاصة درجات الحرارة من دافيء الي شديد البرودة ...

** زيادة الرطوبة الجوية وخاصة صباحاً وانخفاضها بعد الضهر ثم زيادتها ليلاً ...

** تذبذبات فى سرعات الرياح واللى احيانا محملة بالاتربة والرمال الدقيقة ...

** بداية طول في النهار يعني طول الفترة الضوئية ..

** ده غير ان بعض الاشجار (طويلة موسم الانتاج) زي النخيل والزيتون والمانجو حدث او هيحصل لهم "تزهير مبكر" بغزارة ... وبدأ فعليا فى المانجو لحقها النخيل (الاصناف الجديدة فى المناطق المفتوحة) ... والزيتون في بدايته ... وباقي المتساقطات دخلت فى التزهير فعلياً (عدا العنب) ... وده يستدعي الحرص الشديد ... اكرر الحرص الشديد ..لانه يتوقع ان تعود بعض الموجات الباردة واحيانا الصقيع أو الرياح "الساخنة" أكرر "الساخنة" وهتكون الاشجار دي فى مرحلة الاخصاب واحيانا بداية العقد والفترة دي حساسة جدا لاى تقلبات مناخية ... هنتكلم بالتفاصيل عن كده ...

أما النباتات فى نهاية العمر فللاسف تقريبا بيتوقف امتصاص العناصر او بيكون بطيء نوعاً ما .. وده بيستلزم يكون لها برنامج تسميد "خاص" مش تقليدي بعيد عن الازوت والهيومك ,,,


- ثانياً التأثير على الحشرات وده المهم "والخطير" فالظروف دي هي استعجال لاستدعاء الجيل الاول لكثير من الحشرات او زيادة سرعة انتاج الاجيال وركزو هنا شوية:

** الجيل الاول من الدودة القارضة ودودة ورق القطن والتوتا ابسولوتا على معظم محاصيل الخضر والبقول...

** زيادة عدد اجيال التربس والعنكبوت الاحمر وخاصة على الفراولة والباذنجان والفلفل والبصل والقمح (التربس)..

** ظهور مبكر للجيل الاول من حشرة من الخوخ الاخضر على البطاطس الصيفية (ام المشاكل للبطاطس وعلاقتها بفيرس التفاف الاوراق) ..

** زيادة نشاط اللى ما بتهمدش – الذبابة البيضاء – على الطماطم والفلفل والبطاطس وجايبها معاها اختها "نطاطات الاوراق - الجاسيد" ...

** وطبعاً اشجار الفاكهة مش محرومة ... فهناك بداية لنشاط حشرات هامة – ارتاحت وهتفوق على الشجر المسكين اللى لسه بيقول يا هادي – وعلى رأسهم:

--- دودة ثمار العنب (ودي بحذر منها جداً) لانها من أخطر الآفات التي تصيب العنب ، ولها عدة أطوار في الإصابة ، وخطورتها تكمن في تخصصها علي ثمار العنب .. وهي لها 3 اجيال على العنب وكان من المفترض ان يظهر الجيل الأول على البراعم الزهرية ويكون في نهاية مارس وأبريل ومايو ، وتتميز أعراضها بوجود خيوط حريريه علي عناقيد العنب .. لكن هذا المناخ يناسبها للظهور مبكرا "جدا" ...

--- فراشة الياسمين او دودة براعم الزيتون الخضراء ودي اشتغلت شوية خلال الفترة اللى فاتت وخاصة فى الساحل الشمالى الغربي .. ودخولها الموسم ده هيكون "هاجم" ...


** والظاهرة اللى محتاجة اهتمام وحرص كبير قوي قوي جدا جدا هي هذا الانتشار للحلم الدودي (الايروفي) على كثير من المحاصيل وخاصة الفلفل والطماطم والفول البلدي والجديد بقه على الزيتون وداخل بغباء على المانجو .... وده الظروف السابقة تناسبه جداً ...


ثالثاً: التأثير على الامراض ... ودي بقه ركز يا سيدي ...

** على البصل بياض زغبي ولطعة ارجوانية بكثافة..

** تبقعات اوراق واعفان ثمار على الطماطم والفلفل والفراولة وقرون الفول البلدي ..وخصوصا الالترناري والبكتيري والبوترايتس طبعاً .. وخصوصا علاقتة بعفن الساق ..

** بياض زغبي ودقيقي على القرعيات ..

** بياض دقيقي على المناجو (ماشي؟) وعلى شيح البابونج يا جماعة يا بتوع الفيوم وبني سويف ..

** اعفان الجذور وموت البادرات على الباذنجان والطماطم اللى لسه مشتولة فى الحقل المكشوف او البطيخ والخيار فى الانفاق او الصوب والمنتشر بغباء "لفحة الساق الصمغية" ..


ويقابل ده ان معظم المحاصيل المنزرعة هي:

** أما في نهاية عمرها أو فى التلت الاخير من عمرها وهي المحاصيل الشتوية (بطاطس شتوي – بنجر – فول بلدي – خرشوف – بسلة – الشمر – شيح البابونج – الثوم – البصل المبكر (السبعيني فى الصعيد))...

** أو فى نصف عمرها زي (القمح – الباذنجان – الفلفل – البطاطس الصيفية المبكرة (زراعة اول ديسمبر) – البصل الحديث - البرسيم – الفراولة) .. 

** او لسه بتقول يا هادي زي (البطاطس الصيفية المتأخرة – بطيخ الانفاق – كنتالوب الانفاق – طماطم الانفاق)...

** او اللى اتزرعت او على وشك الزراعة زي الطماطم الصيفية المبكرة او الفاصوليا الصيفي..

** أو الطبيه العطرية اللى فى بداية التزهير زي الكمون او فى مرحلة العقد زي اليانسون والشمر .. ودول بحذر كتير من امراض التربة او لفحات الالترناريا