مزارعي الغلة العاليين الغاليين...1

مزارعي الغلة العاليين الغاليين...1

ادينا داخلين على الأيام الأخيرة من شهر امشير ( 25 أمشير 1740) ، ودي فترة حرجة جداً لزراعات القمح لأنها فترة بتزيد فيها احتمالية هبات قوية للرياح والقمح تقلت سنابله ...

 

فلو تم الري اثناء هبوب الرياح او قبلها مباشرة بيحصل للأسف رقاد للقمح جزئي أو كلي ..

 

وديماً هبات الرياح بتكون بعد الظهر أو أخر اليوم ... بالتالي ممكن بعض المزارعين ينخدع في هدوء وسكون الجو صباحاً ...

 

وده جدول بالأيام اللى لا ينصح بإجراء الري فيها حسب المنطقة : 

 

#الاربعاء_6 /3 : يوجد هبات للرياح في محافظات الوجه البحري والجيزة وبني سويف ولا ينصح اجراء الري في المحافظات دي ويمكن الري في محافظات المنيا – الفيوم - أسيوط - سوهاج – قنا – الأقصر – اسوان – الوادي الجديد.

 

#الخميس_7 /3 : يوجد هدوء نسبي لهبات للرياح في كل الجمهورية وممكن نروي في كل المحافظات ولا ينصح بالري في محافظات دمياط – بورسعيد - كفر الشيخ - وشمال الدقهلية.

 

#الجمعة_8 /3: يوجد هبات للرياح في محافظات الوجه البحري ولا ينصح اجراء الري في المحافظات دي ويمكن الري في محافظات القليوبية – الجيزة – بني سويف – الفيوم - المنيا – الفيوم - أسيوط -سوهاج – قنا – الأقصر – اسوان – الوادي الجديد.

 

#السبت_9 /3 : يوجد هدوء نسبي لهبات للرياح في معظم الجمهورية وممكن نروي في معظم المحافظات ولا ينصح بالري في محافظات دمياط – بورسعيد - وشمال الدقهلية. – الجيزة – الفيوم – بني سيوف.

 

#الاحد_10 /3 : يوجد هبات للرياح في كل محافظات الجمهورية ولا ينصح بالري في كل الجمهورية.

 

ويمكن إضافة من 10 – 12 كجم سلفات بوتاسيوم مع الري في برميل مع الاستعداد لمكافحة حشرات المنّ لأنها بدأت تظهر وتنتشر الفترة دي (والرش هيكون اسيتامبريد مع لمبادا 5% ) ..

 

دمتم طيبين

 

دكتور محمد علي فهيم 

5 مارس 2024

25 أمشير 1740