خطوات بداية زراعة القمح العروة الشتوية خلال شهور نوفمبر وديسمبر

خطوات بداية زراعة القمح العروة الشتوية خلال شهور نوفمبر وديسمبر

اليوم ونحن على مشارف الدخول في نصف هاتور  ..

وما زالت مقولة الأجداد رغم كل المستجدات والمتغيرات صحيحة ومعبرة ...

ومنها ...

هاتور هو أبو الذهب المنثور أي "القمح"، 

وإن #فاتك_زرع_هاتور أصبر لما السنة تدور ... 

طب يعني أيه الكلام ده؟:

** يعني باقي أقل من  ٣ اسابيع  وتنتهى الفترة المناسبة لزراعة القمح والفول في مصر ..

** يعني هيبدأ الجو فى الانكسار الكبير ليلاً وترتفع نسبة الرطوبة ويزداد الندى صباحاً...

** يعني زيادة فرص تكوين الشبورة المائية والضباب صباحاً ..

** يعني دي فترة زراعة عروة الانفاق فى الطماطم وباقي الخضر  ولا يفضل التأخير هذا العام ...

** يعني هتبدا المحاصيل الارضية فى التحجيم الطبيعي (بطاطس - بنجر - ثوم - بصل مبكر) ...

** يعني دي اهم فترة لمحصول الفراولة لأنها فترة أساس الموسم وفيها بتبدأ معظم الأصناف في الدخول في التزهير والاثمار ولازم يكون النبات عامل جسم قوي قبل دخول البرد الحقيقي ...

** يعني قدامنا  الكثير من العمليات الزراعية والاجراءات اللى لازم يتم انجازه بفهم ودراية وتعلم من السوابق خلال المواسم السابقة حتى لا نقع في نفس الأخطاء وخاصة انه لا مجال لأي خطأ  اضافي في ظل هذه الظروف من زيادة تكاليف مستلزمات الانتاج والتقلبات غير الاعتيادية فى المناخ ...

يعني اصحاب مزارع الفاكهة وخاصة المانجو والزيتون ايه المطلوب منهم خلال الخدمة الشتوية ؟ والمفروض يكون في الشجرة مخزون كافي وقوي من الكربوهيدرات فى اطراف البراعم .. وخاصة لو كان هناك امطار متبادلة مع موجات الصقيع ...

طيب ما هو توقيت وشكل التقليم فى المتساقطات وامتى بالتحديد تكون المعاملة بكاسرات السكون ...

طيب ايه العمليات الزراعية الصحيحة للمحاصيل الشتوية ( بنجر - قمح - فول - وغيرها) وخاصة انه هيكون موسم معرض لمجموعة من الامراض المحبة للبرودة الرطبة المهمة .. 

وبالنسبة للخضر الشتوية فى نهاية عمرها زي البطاطس والطماطم وغيرها هيكون ايه الحل لو تعرضت لموجات برودة او صقيع ...

وماذا عن الخضر تحت الانفاق ؟ هل كل سنة نغلط ونرتبك فى مواعيد الزراعة ومواعيد كشف البلاستيك بعدين .. وايه المطلوب من البداية ؟؟

** يعني كتير وكتير من الامور اللى ما زال هناك فيها لخبطة وارتباك محتاجة فك الاشتباك ومش هينفع يترك المزارع لهذا الكم من "اللخبطة" لوحده ..

** يعني تخليكم متابعين معاي أول بأول ...

فى منشورات قادمة خلينا نشوف نعمل ايه فى الهيصة دي ...

تحياتي لكم جميعا

(د. محمد علي فهيم)

٨ هاتور ١٧٤١

١٧ نوفمبر  ٢٠٢٤

المشاركه علي منصات التواصل الأجتماعي

عدد المشاهدات

30