#بيان_مناخي_هام ... موجة حرارية مؤقتة ... كما هو متوقع ان لا يستسلم الصيف بسهولة فى اواخر ايام عمره الرسمي ..
متوقع
...
***
ارتفاع مؤقت فى درجات الحرارة خلال اليوم الثلاثاء وخلال الـ 48 ساعة القادمة ...
***
كما تنشط الرياح علي بعض مناطق الساحل الشمالي وجنوب سيناء وشمال الصعيد والوادي
الجديد في اوقات متفرقة..
ولانها
موجة مؤقتة تعود الاجواء لطبيعتها بداية من غدا يجب اخذ كل الاحتياطات اللازمة
لبعض المحاصيل الحساسة لارتفاع الحرارة ..
وبالتحديد
عمليات شتل الخضر والفاكهة بحيث لو قدرنا نأجلها لبكرة أو بعده يكون افضل .. انا
بتكلم عن اللى هيشتل بالتحديد ، لكن اللى شتل قبل كده هنراعي موضوع الري ، وممكن
الرش بالبوتاسيوم فوسفيت ومحفزات النمو ( طحالب وأحماض امينية حرة) ..
التعامل
بحرص شديد مع المشاتل في اخر عمرها خاصة الطماطم والفراولة - عشان الشتلات
ميحصلهاش صدمة حرارة قبل الزراعة لانها هتعبر عن الكلام ده بمجرد الزراعة مباشرة
.. يعني مراعاة المياه والرش بمركبات الاجهاد المعروفة زي سليكات البوتاسيوم
والبوتاسيوم فوسفيت ( هام جدا جدا ) ...
العناية
بالمحاصيل اللى انزرعت ( بطاطس بنجر ثوم فاصوليا بسلة خرشوف فراولة بصل مقور ..
الخ ) ببرامج الدعم اللى بنتكلم عنها ديما .. وهي تقريب الري وإضافة فولفيك
وماغنسيوم ارضي والرش بمحفزات النمو اللى ضد الصدمات الحرارية ... ) ..
ومهم
جدا متابعة الحالة المرضية خاصة الأمراض المحبة للرطوبة العالية والارتفاع النسبي
في الحرارة زي الانثراكنوز والبياض الدقيقي واعفان الجذور وغيرها .. وعلى معظم
المحاصيل المنزرعة تقريبا ...
دكتور
محمد علي فهيم
8 اكتوبر 2024
28
توت 1741
5 ربيع ثان 1446
183
